En las scolas da recruta èn entrads oz passa 12'000 umens e dunnas giuvnas – var 700 a Cuira. Cun resguardar ils var 2'500 commembers e commembras dal cader – è la quota da dunnas tar var 3%. Quai communitgescha l'armada svizra.
Strusch 10% dals novs e las novas recrutas fan lur servetsch militar tenor il model senza interrupziun. Tenor l'armada svizra sajan er 48 giuvnas Svizras e dals giuvens Svizzers a l'exteriur rivads en Svizra per la scola da recruta. Quella va per regla 18 emnas.
Finamira: dapli dunnas
Tenor la ministra da defensiun, Viola Amherd, vulan ins augmentar la quota da dunnas. Actualmain saja quella tar var 1%. La finamira fin l'onn 2030 saja dentant tar 10%.
Adattà al tema
A chaschun da l'emprim di da la scola da recruta ha RTR lantschà ina concurrenza per in «Frässpäckli». A la fin ha Giancarlo Capaul da Lumbrein gudagnà – ed il pachet vul el far ir a ses collega Nico Caviezel ch'ha oz cumenza la scola da recruta en il Tessin.
