Plinavant tar occurenzas e tar las staziuns dal traffic public, quai ha communitgà la regenza dal chantun Berna. Ultra da quai ston uffants davent da la tschintgavla classa e la magistraglia purtar mascras enfin mez schaner.
Er auters chantuns han decis mesiras pli rigurusas
Il chantun Sutsilvania introducescha in obligatori da 3G en ospitals e chasas da tgira. Sco l’uffizi da sanadad ha annunzià vala la regla da 3G, vaccinà, testà u guarì, per chasas da tgira ed attempads, per ospitals, per la chasa da parturir, per la spitex sco er ulteriuras instituziuns socialas. Sa tegnair vid l’obligatori stoppia il persunal, cussadentas e cussedents sco er tgi che visita talas chasas. Las ulteriuras mesiras da sanadad valian vinavant.
Er il chantun Uri introducescha la regla da trais 3G per tgi che visita talas instituziuns. Là na dastgan er uffants sut 16 betg pli far visitas.
Genevra ha decis la mesemna tranter auter in'obligatori da purtar mascra en tut l'interiur ch'è accessibel publicamain. A Genevra vegn la situaziun pli spert mendra che en il rest da la Svizra – là registreschan ins il mument dapli che 400 novs cas da Covid 19 per di, la rata da reproducziun è sur la media svizra. Tenor la media chantunala sa dublegian ils cas mintg'emna. Positiv saja ch'il dumber da persunas che ston ir a l'ospital na crescha betg en il medem rom.