L'iniziativa cunter la KESB, l'autoritad per la protecziun da l'uffant e da creschids, na vegn betg inoltrada. Ils iniziants han rimnà fin uss enturn 96'000 suttascripziuns e tranter quellas er bleras nunvalaivlas. Temp avessan els gì anc fin ils 15 da november.
L'iniziant e cusseglier naziunal da la PPS, Pirmin Schwander ha ditg a l'emissiun 10vor10 da SRF, ch'el avess pensà che l'acziun daventia in filasez. Uss spera el sin correcturas dal Cussegl federal ed dal parlament.
L'iniziativa dal criticher da la KESB, Pirmin Schwander, era vegnida lantschada il matg 2018 e pretendeva dapli dretgs per famiglias e persunas cun basegn d'assistenza. Tenor l'iniziativa avess la KESB be anc pudì intervegnir tar cas da maldiever e la cumpetenzas da l'autoritad fissan vegnidas restrenschidas pli ferm.
RR novitads 06:00