Tenor in rapport da Reuters s'interessescha pli pauc che la mesadad da la populaziun svizra fitg per novitads. Concret sajan quai 46%. Quai èn 4% pli pauc ch'il 2022 e 11% pli pauc ch'il 2021.
Anc pli ferm è il svilup negativ en la Frantscha ed ils Stadis Unids. En Germania ed en l'Austria èsi sumegliant sco en Svizra.
Raits socialas vegnan pli impurtantas
Ils canals digitals giogan ina rolla adina pli impurtanta sco funtauna d'infurmaziun. Tar la generaziun giuvna èn las raits socialas gia pli impurtantas per s'infurmar che las paginas da novitads tradiziunalas.
