En Svizra duain las gasettas survegnir dapli sustegn. Vitiers duain era medias online survegnir temporarmain agid da la Confederaziun. Quai propona il Cussegl federal en connex cun la nova lescha da radio e televisiun.
Medias online
Medias gioghian in'impurtanta rolla en la democrazia – scriva il Cussegl federal. Las entradas da las gasettas van dentant adina dapli enavos. En il medem mument ston las chasas da medias investir en la digitalisaziun. Il Cussegl federal propona d'era integrar las medias online en questa nova lescha da radio e televisiun. La muntada da las medias online creschia, dentant mo paucs veglian pajar per purschidas digitalas. La regenza svizra vul perquai sustegnair mo tals purschiders che vendan cuntegns digitals. Vitiers duain dapli gasettas vegnir sustegnidas sur la promoziun da pressa indirecta.
Ord l'archiv
En Svizra han reporters la libertad da las medias. Quai è però betg il cas sin l'entir mund. Il Minisguard declera.
RR novitads 17:00