La banca UBS serra mintga 5avla filiala en Svizra. Anc en l'emprim quartal da l'onn duain svanir 44 da las 240 filialas en il pajais, ha ditg il schef da l'UBS, Axel Lehmann, en in'intervista cun la gasetta NZZ. Pertutgadas sajan en emprima lingia filialas pitschnas, di Lehmann ed argumentscha che la clientella vegnia adina pli pauc als spurtegls.
Las radund 150 collavuraturas e collavuraturs vul la UBS occupar en autras spartas. Relaschadas na sajan il mument betg planisadas, ha ditg Axel Lehmann. Gia l'onnn passà ha la UBS serrà 28 filialas.