En Svizra èn ils pretschs per prender a fit abitaziuns puspè sa reducids il fanadur, quai suenter ch'els eran creschids ils ultims 4 mais. En media paja tgi che tschertga ina abitaziun entant 0,4% damain. Quai mussa l'index d'immobiglias da la plattafurma ImmoScout24.
Sco usità sa sviluppan ils pretschs per fits d'abitaziuns differentamain da regiun a regiun:
- Il pli fitg èn ils fits sa reducids en la regiun dal Lai da Genevra cun in minus da 0,8%.
- Er en il Tessin custan abitaziuns da nov 0,6% damain.
- Tgi che tschertga però in' abitaziun en la Svizra Orientala sto pajar 1,2% dapli.
- La regiun da Turitg e da la Svizra Centrala è confruntada cun in augment dals fits da tranter 0,4 fin 1,2%.
Cunquai ch'il nivel dal tschains è fitg bass, è la dumonda per proprietad d'abitar creschida e las ipotecas èn bassas sco anc mai. Quai munta dentant era ch'ils pretschs vegnan a crescher. Quels che vulan cumprar ina chasa pon sa legrar. Ils pretschs èn crudads il fanadur per 0,8%.
RR novitads 08:00