Paun pudess bainprest daventar pli char. Da quai avertescha l'uniun tetgala dals muliners. Ina da las raschuns è che la granella da questa stad ha chaschunà racoltas da graun ch'èn per radund in terz pli bassas.
Tenor l'organisaziun da branscha Swiss Granum saja er la qualitad dal graun mendra. Sco consequenza quinta la branscha da muliners che la farina ed uschia era il paun e las pastizarias daventian pli charas – senza dentant numnar cifras concretas. Ils muliners e las mulineras sajan avisads sin dapli imports da farina.