Tenor retschertgas da las gasettas da Tamedia ha la Confederaziun liquidà il 2018 ina reserva d’urgenza da 10’000 tonnas etanol ch’i dovra per producir dischinfectants.
Destillarias sa gidan
La raschun è la privatisaziun da l’Administraziun federala d’alcohol. L’administraziun federala aveva previs da tractar pli tard las reservas d’etanol cun ils producents. Entamez è però rut ora la pandemia da corona. Entant gidan destillarias la Confederaziun da producir etanol.
Er en il Grischun datti entant destillarias che produceschan dischinfectants, uschia er en la Val Müstair.