Hotelplan serra 75 da sias 86 filialas fin la fin da favrer. Quai malgrà ch'ils biros da viadi pudessan tenor la nova ordinaziun dal Cussegl federal avrir. Ina raschun perquai saja il obligatori da homeoffice. Vinavant marschia pel mument simplamain memia pauc. Quai ha ditg ina pledadra da Hotelplan.
Las filialas restan vinavant cuntanschiblas via telefon.
Dapi l'avrigl èn tut las collavuraturas e collavuraturs da la figlia da la Migros en lavur curta. Per reducir ils custs ha Hotelplan schon stritgà 170 plazzas da lavur e serrà 12 filialas.
Ord l'archiv:
A Scuol ha l'experta da viadi Renate Reinbacher midà branscha. Ord ses biro da viadi ha ella fatg in bistro. Il «Telesguard» ha rapportà il settember 2020.
video
Renate Reinbacher ha midà job e venda uss capuns empè da viadis
Or da Telesguard dals 04.09.2020.
laschar ir. Durada: 3 minutas 28 Secundas.