- Gronds granels da tempesta èn crudads venderdi saira giu dal tschiel el Tessin.
- Insaquantas persunas èn sa blessadas levamain.
- La dumengia ed il glindesdi datti tenor ils meteorologs er anc plievgia intensiva.
En il Tessin hai dà ier saira malauras. Meteo Svizra rapporta dad in urizi cun ferma granella en la regiun da Locarno. Las cullinas da granella eran per part uschè grondas sco ballas da golf.
Intginas persunas èn la blessadas a moda leva pervi da la granella. Sin la pagina d’internet dad RSI vesan ins purtrets dad autos ferm donnegiads. Sco SRF Meteo rapporta hai era en Surselva dà ferms urizis.
I suonda plievgia gronda – privel imminent
Tenor SRF Meteo suonda als urizis dal venderdis e la gievgia, dumengia e glindesdi er anc plievgia gronda. En consequenza èsi da quintar cun grondas quantitads d'aua.
Sco che la meteorologa da SRF Daniela Schmuki di, pudessan en spezial en las regiuns Tessin e Grischun, ma en general er en las regiuns da muntogna centralas ed orientalas sa sviluppar a currents pitschens e mesauns. I possia dar bovas ed inundaziuns, avertescha ella.
