Tranter 200 e 300 persunas sajan da las 15:00 uras stadas sin l'areal da festa, cura che tuttenina in urizi haja furià sur l'areal. Quai scriva la Polizia chantunala da Son Gagl. Ils ferms vents da l'urizi hajan sdermenà enturn objecta da l'areal ed uschia blessà pliras persunas.
In um da 44 onns haja stui vegnir sgulà cun blessuras anc nunenconuschentas en l'ospital. Ina dunna da 70 onns cun levas blessuras saja vegnida transportada cun l'ambulanza en l'ospital.
Ils custs dal donns material n'è anc betg enconuschent. Sper la Polizia chantunala sajan era in medi d'urgenza, ils pumpiers locals, in ambulanza ed in helicopter da salvament stads al lieu.
