Legenda:
A Visp duai vegnir producì il dubel vaccins cunter covid-19.
Keystone
cuntegn
Lonza - A Visp duai vegnir producì dapli vaccins
Il concern da chemia speziala «Lonza» a Visp en il Vallais, duai producir dubel tant vaccin cunter Covid-19 sco enfin uss. Uschia è la Lonza sa cunvegnida cun Moderna.
I saja previs da bajegiar trais ulteriuras lingias da producziun. Enfin l’entschatta da l’onn che vegn duai il manaschi funcziunar, sco Lonza ha annunzià. Quant che vegn investì per engrondir la producziun, n'è betg enconuschent. Il persunal necessari hajan ins gia cumenzà a recrutar.
Entras questa mesira duai esser pussaivel per Moderna da furnir passa 3 milliardas dosas il 2022. Lonza ha gia trais lingias da producziun a Visp ed ina a Portsmouth en ils Stadis Unids.
