Il Cussegl federal ha tramess en consultaziun ses plans per la defensiun da l'aria. Gia enconuschent era ch'il suveran duai decider davart las milliardas per aviuns e sistem da defensiun da rachetas, dentant betg davart ils models che vegnan tschernids.
Il pachet davart il qual la populaziun duai decider il 2020, cumpiglia novs aviuns che remplazzan ils vegls F/A-18 a partir dal 2025 ed in nov sistem da defensiun da rachetas. Ils custs èn tar maximal 8 milliardas francs.
Tge tip dad aviuns e da sistem da defensiun d'aria che vegn lura cumprà, decida il Cussegl federal pir suenter la votaziun. Cunquai evitescha il cussegl ina debatta publica davart il tip ed eventualas mancanzas. Ina tala discussiun aveva il 2014 gì l'effect che la cumpra dal Gripen aveva fatg naufragi.
RR novitads 15:00