La Svizra na dastgia betg sa laschar paralisar e stuschar tut sin in temp suenter corona. Quai ha la presidenta da la PLD, Petra Gössi ditg da la radunanza da delegads virtuala. Ed ella ha avertì da l'influenza creschenta dal stadi.
Er dal dretg d'urgenza e da regulaziuns extraordinarias na dastgia la Svizra betg laschar manar vinavant. Ils sustegns finanzials hajan calmà il schoc da la pandemia, els procurian dentant la finala che la concurrenza na gioghia betg pli.
Las parolas decididas da la PLD
Avrir la boxSerrar la box
Gea a la lescha da chatscha revedida.
In cler Gea a novs aviuns da cumbat.
Gea per pudair deducir dapli per la tgira d'uffants.
In fitg stretg Na al congedi da paternitad.
Questas parolas ha la PLD Svizra annunzià la sonda saira en ina communicaziun.
La parola Gea a la lescha da chatscha revedida ha la conferenza dals presidents da partida chantunals decidì il venderdi saira. Ed il Na per l'iniziativa da limitaziun da la PPS avevan ils delegads gia concludì il schaner.
