A Göschenen èn radund 150 persunas stadas preschentas a la partenza simbolica per il segund tunnel da via dal Gottard. Il segund tunnel vegn fabritgà 70 meters dasper il tunnel existent dal 1980. La construcziun custa 2,1 milliardas francs ed en otg onns duai il tunnel vegnir surdà al traffic.
Per sanar l'emprim tunnel
L'emprima badigliada era quintada gia la primavaira, pervi da la pandemia da corona ha quella dentant stuì vegnir spustada. Las lavurs preparatoricas per il tunnel han cumenzà la primavaira 2020. Il segund tunnel dal Gottard vegn construì per pudair sanar l'emprim tunnel dal 1980. L'onn 2016 aveva il suveran svizzer approvà il project.