Sin il glatscher d’Aletsch ha in guid da muntogna chattà parts d’in aviun. Sco la Polizia chantunala dal Vallais ha communitgà il venderdi, saja la Piper Cherokee crudada giu ils 30 da zercladur 1968. Da quest temp na saja betg stà pussaivel da rumir la tocca, sulettamain las trais baras hajan ins pudì sgular a val. Uss èn las autoritads vid planisar la rumida da las restanzas da l'aviun.
Pervia da la chalira
La polizia quinta cun ulteriuras scuvertas perquai ch'il glatscher lieua. Alpinists èn vegnids dumandads da marcar ulteriuras scuvertas e rapportar quellas a la polizia. La tocca na dastg'ins betg tutgar per evitar blessuras.
audio
Per tadlar: las novitads da las 20:00
ord RTR Audio dals 05.08.2022.
laschar ir. Durada: 2 minutas 58 Secundas.
