La Giuvna partida populara svizra sto tschertgar sis novs commembers da direcziun, tranter auter er in nov president. David Trachsel ha demissiunà sco president sin la radunanza generala, il mars da quest onn. Tenor ina communicaziun da la partida veglia el sa focusar sin sia professiun e la famiglia. Trachsel è stà durant quatter onns al timun da la giuvna PPS.
Sper Trachsel han era demissiunà ils dus vicepresidents Andreas Gerber e Sacha Turin, sco era il secretari general Lukas Fritz Hüppin. Ed era Léa Mivelaz e Léonard Martin na candideschan betg pli per la direcziun.