Fermezza da 3,1 - Dus terratrembels a Basilea

En Svizra ha oz a bun’ura danovamain stremblì la terra. Curt suenter las 06:00 haja dà in terratrembel en il nord da la citad da Basilea. Quel haja gì ina fermezza da 3,1 – sco il Servetsch seismologic svizzer ha confermà envers Radio SRF. Cun donns na saja betg da quintar tar in tal terratrembel. Gia ier saira ha stremblì la terra en la medema regiun. Lura dentant cun ina fermezza da 4,7.