Sco il schef da l'armada, Thomas Süssli, ha ditg en la Samstagsrundschau da Radio SRF, duai dar in exercizi cun radund 1'000 schuldada svizzers en l'Austria. Ins saja vid planisar quai. I giaja per il cumbat da chasas.
L'Austria è sco la Svizra èn pajais neutral. Gia en ils onns 90 aveva l'armada svizra exercità ensemen cun schuldada tudestga ed austriaca, dapi lura dentant betg pli.
Tenor lescha svizra na dastga l'armada betg sfurzar schuldada da far curs da repetiziun en l'exteriur. Ils participants da quest exercizi ston pia esser voluntaris e voluntarias.
