Per realisar la midada sin il sectur da l’energia stoppia il dretg da far recurs tar projects da construcziun vegnir adattà. Quai ha pretendì Robert Itschner, il schef dal concern d’energia BKW, en in’intervista cun la «Berner Zeitung».
I dovria in nov consens davart la dumonda, sco i duaja esser pussibel da producir energia a moda persistenta. Ina confruntaziun dals interess tranter nova infrastructura d’energia e la protecziun da la natira na possia betg vegnir evitada, uschia Itschner vinavant. Anc quest onn veglia la BKW communitgar, nua ch’ella veglia construir ils diesch novs implants d’energia solara alpins che sajan planisads.
