La parahotellaria en Svizra è sa revegnida cleramain l’entschatta da quest onn. Surtut alloschis collectivs sco per exempel «Jugis» sajan stads reservads meglier dal schaner fin il mars. Ma era ils campadis ed abitaziuns da vacanzas sajan puspè stadas pli dumandadas. Quai scriva l’Uffizi federal da statistica.
En tut haja la parahotellaria nudà var 4,4 milliuns giasts durant l'emprim quartal. Da quels sajan var trais quarts stads indigens. Cumpareglià cun la medema perioda da l’onn passà saja quai in plus da 50%. Il 2021 eran quai anc total radund 2,9 milliuns pernottaziuns durant l'emprim quartal. Il pli grond augment hajan nudà ils alloschis collectivs. En quest segment haja dà quatter giadas dapli pernottaziuns.
