-
Bild 1 von 3Legenda: Ils resultats mussan: PPS fa perdita ed ils verds gudognan votants envers las elecziuns naziunalas. RTR -
Bild 2 von 3Legenda: Il president dals verds Nicolas Zogg ha plaschair, dentant dettia anc blera lavur. MAD
-
Bild 3 von 3Legenda: Il president da la PPS Heinz Brand n'è betg persvadì dals resultads dal barometer. MAD
Ils 21 favrer 2019 ha il post da perscrutaziun «sotomo» preschentà ils resultads dal barometer d'elecziuns. In aspect che dat immediatamain en egl: La PPS perda 2.4% ed ils verds gudognan percunter medemamain 2.4%.
La PPS fa nagins quitads
Il president da la PPS Grischuna, Heinz Brand, n'ha nagina tema che la PPS fetschia nagin bun resultat tar las elecziuns naziunalas da l'october. L'enquista saja per el in maletg da la situaziun actuala. Qua hajan surtut temas actuals sco per exempel il clima influenzà las cifras.
Ils verds fetschian vinavant pressiun
Il president dals verds dal Grischun, Nicolas Zogg, ha plaschair dal resultat, dentant è quel be da curta durada. El è conscient ch'i po midar anc in massa en ils nov mais fin tar la dumengia d'elecziuns. El senta che l'ambient daventa adina pli actual per la glieud ed ch'i dat adina dapli glieud che sustegna las lingias directivas da la partida verda.
RR actualitad 07:00