Gia dapi bun in onn lavura il roboter «Lena» per l'Agentura da novitads Keystone-SDA. Sin fundament dals resultats da votaziun da l'Uffizi federal da statistica (BFS) scriva il roboter texts curts davart ils resultats en las vischnancas svizras. La basa per quests texts curts èn texts da model che schurnalistas e schurnalists han scrit.
Da nov era per rumantsch
Enfin uss lavurava «Lena» be per tudestg e franzos. Grazia ad ina cooperaziun cun la chasa da medias SRG SSR datti per las elecziuns dal Cussegl naziunal ils texts curts da nov era per talian e rumantsch. La versiun rumantscha ha elavurà il servetsch da translaziuns da la Lia Rumantscha.
RTR elecziuns 2019