«La populaziun vul ina politica pli verda», ha ditg Rytz durant la runda d'elefants tar SRF. Las ambiziuns dals Verds sa drizzia en emprima lingia cunter in cusseglier federal liberal. La regenza stoppia midar ses curs.
PLD sa tegna vid furmla magica
La furmla magica – mintgamai dus sezs per la PPS, la PLD, la PS ed in sez per la PCD – valia vinavant, ha cuntraditg la presidenta da la Partida liberaldemocratica Petra Gössi. Ils Verds stoppian sco emprim confermar quest resultat ils proxims onns.
Sezs da la PPS sajan incontestabels
Er il president da la PPS, Albert Rösti ha declerà che cuntinuitad e stabilitad saja impurtant per la Svizra. La PPS saja la sisavla giada en roda la pli ferma partida en il parlament. Mintga quarta burgaisa u burgais haja votà per la PPS. Ils dus sezs en il Cussegl naziunal hajan els perquai senza dubi. Ueli Maurer e Guy Parmelin vegnian puspè ad esser a disposiziun per ina reelecziun.
RR elecziuns 2019