Il minister da l’exteriur Ignazio Cassis vul restar cusseglier federal. El candideschia il december per in’ulteriura perioda d’uffizi. Quai ha ditg il Tessinais da 62 onns en l’intervista cun la «SonntagsZeitung».
Successur da Burkhalter
Il politicher da la PLD sesa dapi il 2017 en il Cussegl federal. Lura era el vegnì elegì sco successur da ses collega da partida Didier Burkhalter. Da quel ha el er surpiglià il Departament d'affars exteriurs.
Il suveran svizzer elegia l’october in nov parlament. Il december èn lura las elecziuns dal Cussegl federal.