La PPS ha pudì mobilisar sias electuras ed electurs da tschep las davosas elecziuns federalas. Vuschs supplementaras ha la PPS survegnì d'electuras ed electurs da la Partida liberaldemocratica.
Las socialdemocratas ed ils socialdemocrats han pudì profitar da debattas da vart la capacitad da cumpra e las premias da las cassas da malsauns. Plinavant ha la PS profità che verdas e verdilberals han gì fadia da tegnair lur electuras ed electurs. Radund in quart dals anteriurs electurs han dà lur vusch a la PS.
La Partida liberaldemocratica Svizra n'ha betg reussi da franar ses trend a val. Sia posiziun sco terzferma partida en Svizra è perriclitada fermamain. La PLD è vegnida periclitada da la PPS e da l'Allianza dal Center.
L'analisa da las elecziuns tras il project da perscrutaziun Selects è vegnida preschantada oz a Berna. Tenor ella hajan ils quitads en connex cun l'immigraziun e l'unda verda calmada procurà che la Partida populara svizra e la Partida socialdemocratica han gudagnà, tar las ultimas elecziuns federalas da l'atun passà.
