Il commerzi svizzer cun l’exteriur è ì enavos il segund quartal. L’Administraziun federala da duana discurra dad ina diminuziun istorica. Ils exports sajan sa reducids per 11,5% cumpareglià cun l’emprim quartal da l'onn; ils imports schizunt per 16%.
La raschun per quest svilup saja la gronda diminuziun da l’avrigl pervi da la pandemia da corona, uschia l’Administraziun federala da duana. Il matg e zercladur saja il commerzi cun l’exteriur lura sa revegnì. Ferm pertutgà da la diminuziun sajan stadas las bischutarias cun passa 70% damain exports. Ils exports dad uras èn idas enavos per la mesadad ed en sa reducidas sin il nivel dal 1999.
