La Svizra survegn danovamain critica da l'organisaziun per dretgs umans «Amnesty International». Gia il 2021 hai dà critica pervi da maltractaments envers requirents d'asil .
Tenor il rapport da Amnesty n'ha l'instituziun naziunala per la protecziun e promoziun da dretgs umans en Svizra – ch’è vegnida fundada il matg 2023 suenter 20 onns da preparaziun – nagin mandat che piglia encunter reclamaziuns.
Er manchia ina lubientscha per radunanzas publicas
L'auter focus da la critica pertutga las restricziuns davart il dretg da dastgar sa radunar e demonstrar. Tenor Amnesty dovri en Svizra ina lubientscha per radunanzas publicas. Demonstraziuns – che na sajan betg stadas lubidas, dentant paschaivlas e quietas – vegnidas schliadas si cun forza.
Plinavant hajan plirs lieus en la Svizra schizunt ordinà scumonds temporars da demonstrar suenter ch’il conflict en il Proxim Orient è escalà l’atun passà. Quai hai num en il rapport d'Amnesty International.
