Il directur da la Surveglianza federala dals martgads da finanzas Finma Urban Angehrn sa retira inaspetadamain. A partir dal prim d'october surpiglia sia substituta Birgit Rutishauser ad interim ses post, scriva la Finma en ina communicaziun. Angehrn stettia a disposiziun per surdar tut la lezias en connex cun l'acquisiziun da la Credit Suisse tras l'UBS.
Il motiv per sia demissiun sajan problems da sanadad. La chargia «gronda e duraivla» haja gì consequenzas per la sanadad, sa lascha citar Angehrn. «Jau hai ponderà a fund e ma decid ussa da demissiunar.»
Crisa da la Credit Suisse
Angehrn aveva surpiglià il post da directur tar l’autoritad da surveglianza il november 2021. El saja stà participà decisivamain cun ses team per dumagnar la crisa enturn la Credit Suisse, la pli gronda sfida en l’istorgia da la Finma, hai num.
