Tant sco roboters pon surpigliar lavurs a maun, po l'intelligenza artifiziala remplazzar lavurs da biro. Quai pretenda in studi nov. Cunzunt lavurs en quellas professiuns èn periclitadas:
- marketing
- distribuziun
- commerzi en detagl
- commerzi
- industria
Qua dettia ina gronda part lavurs da rutina, e grond potenzial per intelligenza artifiziala. Cunzunt professiuns da secretari e biro sajan pertutgadas fermamain.
Adina pli dumandads sajan percunter abilitads analiticas. Lavurs cognitivas ed interactivas sajan vegnidas bler pli impurtantas en il davos temp. Dapi 2010 dettia qua 30% dapli occupaziuns.
