Egualitad, pajas fairas e pli ferma protecziun d'attatgas sexualas: Per questas pretensiuns han pliras milli dunnas demonstrà ier en l'entira Svizra. Pervia da la situaziun da corona è l'acziun vegnida realisada decentral. Sco medias rapportan, sajan be en la citad da Turitg passa 5'000 persunas idas sin via durant il di naziunal da la chauma da dunnas. Radund 4'000 persunas sajan idas sin via a Basilea e 2'000 a Lucerna.
L'egualitad tranter umens e dunnas è vegnida francada ils 14 da zercladur avant 40 onns en la Constituziun federala.
Ord l'archiv
