En il chantun da Genevra pon en l’avegnir cusseglieras e cussegliers guvernativs vegnir relaschads da lur uffizi. Il suveran da Genevra ha acceptà in'iniziativa da constituziun en quest senn. Quai han votantas e votants decidì cun 91,67% da las vuschs. Ils dus projects da votaziun èn vegnids realisads en connex cun l'affera da l'anteriur cusseglier da stadi Pierre Maudet. Cun quai è Genevra il 10avel chantun che decida ina procedura che permetta da relaschar commembers da la regenza.
Era la renta da vita per ils cussegliers guvernativs vegn stritgada. Uschia survegnan anteriurs cussegliers guvernativs durant maximalmain dus onns ina renta. Quella munta a 70% da la paja ch’els avevan avant. Quai han votantas e votants decidì cun 77,7%.