La Confederaziun intensivescha la surveglianza da cameras en ils Centers federals per requirents d’asil.
Ils proxims mais vegnia montà cameras en ed ordaifer las localitads. Localitads privatas sco chombras u tualettas na vegnian però betg survegliadas. Cun las cameras veglian ins per l'ina prevegnir a violenza, per l'autra possian quellas er gidar da sclerir acts da violenza, ha confermà il secretariat statal per migraziun envers SRF.
Critica da l'Agid svizzer als fugitivs
L’Agid svizzer als fugitivs crititgescha però quests plans. I fissi meglier da far dapli per la tgira sociala dals requirents d'asil.
En ils center d’asil da la Confederaziun hai tenor raports da medias dà violenza entras il persunal da segirezza. Requirents d’asil sajan vegnids blessads uschia ch’els hajan duvrà tgira en l’ospital. En plirs cas duai il persunl da segirezza avair falsifitgà ils rapports. Plinavant hai dà charplinas tranter ils abitants.
