Il Cussegl federal ha decretà pliras ordinaziuns en il sectur da sanadad.
- El vul promover la vendita da generica cun duas mesiras. Per l'ina vul el augmentar la participaziun dals custs. Ina persuna che retira in medicament sto da nov surpigliar 40%, enstagl da 20% dals custs, sch'i dat in genericum per quai medicament. En cas specials duai dentant dar excepziuns.
- Per l'autra vul il Cussegl federal sbassar ils custs da quella generica. Per generics cun gronda svieuta (4 fin 8 milliuns franscs) sto la differenza da pretsch tar il pretsch dal preparat original esser 40% enstagl da 30%. Per autras classas da svieuta resta la differenza prescritta medema.
Quai perquai che generica èn savens pli chars en Svizra ch'en l'exteriur. L'ordinaziun vala dapi il prim da schaner 2023 e duai spargnar 250 milliuns francs. Persunas duain vegnir motivadas cun las midadas da far diever pli savens da generica.
Ulteriuras revisiuns da l'assicuranza da malsauns e malsaunas, la cunvegna da prestaziun da tgira da persunas malsaunas e l'ordinaziun da medicaments van er lura en vigur. I pertutga tranter auter l'indemnisaziun da cas singuls e l'optimisaziun da process. Quellas mesiras duain mintgamai esser neutralas als custs da sanadad.