Omadus projects pretendan che mintga persuna duai inoltrar in’atgna decleraziun da taglia en il futur. Oz èsi uschia che pèrins maridads inoltreschan ina decleraziun communabla.
Sch'omaduas persunas lavuran e fadian daners, ston ellas pajar per part dapli taglia che pèrs da concubinat ch'han duas declaraziuns da taglia separadas. La raschun è la progressiun ch’i dat en il sistem da taglia svizzer – vul dir: Pli auta la summa sin la quala ins sto pajar taglia e pli auta la procentuala da taglia.
Dapli gistadad u nova malgistadad?
Questa malgistadad vulan l’iniziativa ed la cuntraproposta dal Cussegl federal abolir. Sustegn vegn da la PLD, ils Verd-liberals, la PS ed ils Verds. Cunter ina tala midada èn las duas partidas burgaisas PPS e l’Allianza dal Center. Els argumenteschan ch'ina midada da sistem creeschia ina gronda birocrazia tar la Confederaziun – en spezial tar ils chantuns – e che la realisaziun da la cuntraproposta dal Cussegl federal avess per consequenza entradas pli pitschnas da la taglia federala directa d'ina milliarda francs mintg’onn.
Prest 70 oraturas ed oraturs han annunzià da vulair prender posiziun tar l’iniziativa da las dunnas da la PLD e la cuntraproposta ch’il Cussegl federal ha preschentà. Spetgà vegn ina decisiun piz a cup.
Per motivs da temps n'hai betg dà ina votaziun. La debatta cuntinuescha ils 25 da settember.