Il Cussegl federal vul spargnar energia er quest enviern. Sco l'onn passà vul el sa tegnair vi da las mesiras voluntarias da spargnar 15% energia. Cun quai vul el evitar stretgas en il provediment cun energia. L'Uniun europeica aveva prolungà sia mesira da spargnar 15% gia il mars passà.
Sco quai ch'il Cussegl federal communitgescha, veglian ins esser solidaric ed era sa tegnair vid questas l'enviern che vegn. Ils 15% correspundan tenor l'Uffizi federal per energia a 3,6 uras terawatt. Quella energia duai vegnir spargnada en chasadas, industria, prestaziuns da servetsch ed en l'administraziun.