La Svizra surpiglia ulteriuras sancziuns cunter la Russia che l’UE ha gia decidì. Ella blochescha 87 ulteriuras firmas per tscherts exports, ha communitgà la Confederaziun. Concret na dastga nagina uschenumnada rauba da «dual use» vegnir furnida a questas firmas. Quai è rauba ch’ins po duvrar per intents civils ma era militars.
Plinavant vegn il scumond d’exportar schlargià sin intgina rauba, per exempel sin tschertas cumponentas electronicas u sin las materias da basa per armas chemicas.