Il Cussegl federal ha fatg oz sia sesida emnila extra muros a Winterthur. El ha decis davart pliras chaussas, tranter auter:
audio
ord RTR Audio dals 27.04.2023.
laschar ir. Durada: 1 minuta 8 Secundas.
Per tadlar: curt e cumpact
- Per il sistem d'asil datti quai onn ulteriurs 130 milliuns francs. Il Cussegl federal quinta numnadamain cun 30'000 dumondas d'asil per il 2023, e cun quels daners duain esser avunda plazzas disponiblas en l'atun.
- Tar emprovas scientificas vi d'umans duai dar pliras midadas. Resultats or da la perscrutaziun duain vegnir publitgads sveltamain ed en furma chapibla per laics. La segirtad da datas duai vegnir megliurada, ed en general duai la perscrutaziun vegnir adattada al temp digital. Il Cussegl federal ha proponì d'adattar la lescha correspundenta per quai.
- Avant che prolungar la concessiun da la SRG SSR, che scada il 2024, vul il Cussegl federal examinar l'incumbensa generala. Cun questa sistida veglia el «tegnair avert differentas opziuns per l'ulteriur proceder». Er l'iniziativa «200 francs èn avunda», che vul smesar la taxa per il radio e la televisiun, da la PPS duai esser part da l'examinaziun
- Ed en la citad da Berna duai dar in lieu da regurdientscha per las unfrendas dal naziunalsocialissem. Il Cussegl federal ha approvà 2,5 milliuns francs per far quai.