Il Cussegl federal augmenta il tschains minimal per la prevenziun professiunala per 0,25 puncts procentuals sin 1,25%. Quella midada va en vigur a partir da l'auter onn. La regenza suonda cun questa decisiun a la recumandaziun da la cumissiun federala per la prevenziun professiunala.
La raschun per l'augment saja ch'ils tschains da las obligaziuns federalas sajan creschids cleramain il 2022. Entant ch'ils augments da las aczias ed emprests sajan crudads ora negativ l'onn passà sajan las valurs puspè sa meglieradas quest onn. Malgrà il svilup finanzial disfavuraivel il 2022 saja in lev augment dals tschains giustifitgà.
Cun il tschains minimals vegn determinà quant tschains ch'è da pajar sin il dabun da prevenziun da las persunas assicuradas. Decisiv per sia autezza è il svilup da la rendita da las obligaziuns federalas sco er aczias, emprests ed immobiglias.
