Tgi che dovra plattafurmas da communicaziun sco Google, Facebook e Twitter duai survegnir en Svizra dapli dretgs. Las plattafurmas vegnian utilisadas adina dapli era per la furmaziun da l'opiniun, scriva il Cussegl federal. Ellas hajan pia ina gronda influenza sin la debatta publica, n'èn dentant strusch reguladas.
Cunter acziuns da las plattafurmas, sco stizzar cuntegns u serrar in conto duain las utilisadras ed ils utilisaders pudair sa defender. Ils sistems che decidan quellas acziuns sajan intransparents. L'agir da plattafurmas da communicaziun grondas duai damai er daventar pli transparent. Ils departaments pertutgads han uss d'elavurar ina proposta fin la primavaira 2024.
Or da l'archiv: