Per che las Viafiers federalas possian reducir lur debits vul il Cussegl federal conceder in supplement unic dad 1,15 milliardas francs. Uschia duai la capacitad d'investir da la SBB vegnir rinforzada. Latiers duain las reservas dal fonds d'infrastructura vegnir augmentadas.
Plinavant vul il Cussegl federal sclerir ils instruments da finanziaziun da la Confederaziun. Uschia duai la SBB betg pli pudair far valair credits da tresoraria davent in tschert livel da debits. Empè da quai duai il Cussegl federal stuair dumandar l'Assamblea federala per credits en il rom da las finanzas federalas.
Il Cussegl federal ha deliberà ina missiva correspundenta al parlament.
audio
Per tadlar: curt e cumpact
ord RTR Audio dals 15.09.2023.
laschar ir. Durada: 57 Secundas.
