En Svizra crescha la prontadad da sa laschar vaccinar cunter il coronavirus. Quai mussa ina retschertga da l'Universitad da Turitg. Dapi l'entschatta settember tschentan ils scienziads mintg'emna dumondas en connex cun la pandemia – quai a 425 persunas da las differentas regiuns linguisticas.
En la terz’emna da schaner han passa 55% dals dumandads inditgà ch'els sa laschassan «probabel» u «fitg probabel» vaccinar, sch'i dettia avunda dosas. Quai èn uschè blers sco anc mai dapi l'entschatta da la retschertga. Be 28% refusassan ina vaccinaziun. 17% èn anc indecis.
Ord l'archiv: