Tar duas terzas dals chastis han las persunas gì dad ir en praschun, u en autras instituziuns per l'execuziun giudiziala. Per il rest hai dà lavur d'utilitad publica (30%) u in chasti che vegn surveglià a moda electronica (4%). Quai resulta da la statistica da l'execuziun da chastis e mesiras da l'Uffizi federal per statistica BFS.
Quant ditg ch'insatgi è stà en media en praschun, variescha tut tenor sancziun e moda d'execuziun dal chasti. Uschia èn persunas ch'èn vegnidas en l'execuziun giudiziala stadas en media 186 dis en praschun. Persunas ch'èn vegnidas en l'execuziun da mesiras, èn stadas en media 2'221 dis en praschun. A moda electronica èn las persunas vegnidas survegliadas en media 92 dis e lavur d'utilitad publica han ins stuì far en media 67 uras, quai che correspunda a total 17 dis.
