Las directuras e directurs da sanadad beneventian per part il model da trais fasas. Quel ha il Cussegl federal proponì avant stgars duas emnas. Il model dettia ina tscherta segirtad per planisar.
Tenor ils directurs e las directuras stoppian ins dentant resguardar meglier la quota da vaccinaziun. Surtut cun entrar en la davosa fasa – la fasa da normalisaziun – stoppia la quota da persunas vaccinadas esser auta avunda. Plinavant duai la Svizra desister d'avrir pli fitg sche la plipart da las valurs directivas na sajan betg cumplenidas.