Las examinaziuns tras la controlla da finanzas hajan mussà – che la collavuraziun tranter il Seco, l’Uffizi federal da la duana e da la segirezza dals cunfin, ed il servetsch secret da la Confederaziun funcziuneschian spert, direct e nunbirocratic.
En media 1'744 lubientschas ad onn
Ils davos tschintg onns ha il Seco dà annualmain en media 1'744 lubientschas, cun in volumen da finanzas da mintgamai circa 3 milliardas francs. Quai scriva la Controlla federala da finanzas en ses rapport. Quatter gremis internaziunals, a quels appartegna era la Svizra – fixeschan tge ch'è rauba «Dual Use». En la media na vegnan per onn duas fin trais dumondas d'export betg lubidas.
Il material «Dual Use» ha ina gronda impurtanza per l'economia publica, scriva il Seco. Cun l’industria d’armament e da «Dual Use» sajan colliads cun ina creaziun da valur da radund 35 milliardas francs, e da 137’000 plazzas, constatescha il Seco sin basa d’in studi ch’el ha laschà far.