Ils daners da la Confederaziun per promover l'energia solara, sco contribuziun al provediment d'energia, duain vegnir duvrads pli effectiv che fin uss. Quai crititgescha la pli auta surveglianza da finanzas da la Confederaziun. La Controlla da finanzas federala ha fatg il quint ch'i faschess dapli senn da promover implants gronds che installaziuns pitschnas, sch'ins resguardia la prestaziun.
![Solaranlage](https://www.rtr.ch/static/cms/images/960w/55d9711.jpg)
Fin ussa hajan dentant cunzunt las installaziun pitschnas profità da l'uschenumnada indemnisaziun per la furniziun d'electricitad. Uschia hai num en il rapport d'examinaziun publitgà da la Controlla federala da finanzas. Ella cusseglia perquai tranter auter a la Confederaziun d'actualisar la strategia per nizzegiar la fotovoltaica, cun resguardar il potenzial d'implants gronds.