Ils surpassaments pussaivels u sbagls sajan multifars, scriva la controlla federala da finanzas (EFK) en ses rapport. Sco i para hajan pliras interpresas dumandà daners da la Confederaziun, ed il medem mument pajà ora dividendas a lur acziunaris – quai che saja scumandà. Tar autras interpresas metta la EFK en dumonda las indicaziuns davart la reducziun da la svieuta. I dettia per part grondas differenzas tranter las indicaziuns che intginas interpresas hajan fatg tar il rendaquint da la taglia sin la plivalur e la dumonda per sustegn finanzial.
Controlla da finanzas
En general na saja la qualitad da las datas da la Confederaziun betg suffizienta, scriva la EFK. En la resposta da la l'administraziun federala scriva lezza ch'ins na possia sin basa da las constataziuns en il rapport betg ir da quai anora ch'i haja dà in maldiever. Tar numerus cas dettia bunas raschuns che declerian las differenzas.