La collavuraziun tranter la Confederaziun ed ils chantuns durant la pandemia da corona saja stada mediocra. Quai scriva la cumissiun da gestiun dal Cussegl dals chantuns en in rapport. I dettia in cler basegn d’optimar.
La repartiziun da las cumpetenzas tranter la Confederaziun ed ils chantuns saja dentant tut en tut sa cumprovada.
Durant la situaziun speziala haja però mancà l’enclegientscha vicendaivla per las differentas rollas. La cumissiun da gestiun dal Cussegl dals chantuns ha formulà 13 recumandaziuns per megliurar la repartiziun da las incumbensas tar crisas futuras.
