L’interpresa nova survegn il num HuntsmanClariant ed ella duai avair sia sedia principala en Svizra, communitgescha l’interpresa Clariant. L’interpresa nova duai alura avair in gudogn da 2,3 milliardas dollars.
Dapli innovaziun e svilup
Las duas interpresas quintan cun la fusiun da pudair crescher pli fitg ed era cun dapli innovaziun. La fatschenta duai esser sut tetg la fin da quest onn, sche tut las instanzas approveschan la fusiun. L’interpresa basilaisa Clariant era gia in temp sut squitsch da chattar in partenari per pudair sminuir ils custs e pudair crescher.
RR novitads 07:30